صفحة 1 من 3 123 الأخيرةالأخيرة
النتائج 1 إلى 10 من 23
  1. مشاركه 1
    رقم العضوية : 184
    تاريخ التسجيل : Jul 2008
    المشاركات: 155
    التقييم: 90

    افتراضي اليوم التاني (أول يوم في مكة بعد مااا نقلوني !!!!)


    السلام عليكم ورحمة الله وبركاته
    معليش يا حبايبي على التأخير والله مو مني
    زحمة الدنيا والرطوبة والجو هي اللي مأخرتني بس



    وأنا على وعدي ... وجيت لليوم التاني من يوميات بوب مي
    الطلبات زي ما أنتو شايفين كتير وأنا أنسان حساس ما أقدر أرفض لكم طلب
    وجيت جري عشان أحط اليوم التاني....هههههههه وطبعا العنوان واضح ...
    أول يوم في مكة بعد مااا نقلوني !!!!

    كل واحد لما يتعين جديد أكيد حيكون التعيين برات مكة والا برات المنطقة اللي أنتا عايش فيها
    إيش السبب ما أدري ... فيكم أحد يقول لي إيش السبب ؟؟؟؟
    المهم زيي زي الناس سنتين برة مكة والسنة التالتة أنا فيها .. طبعا مبسوط امبساط ما بعدو
    بعد هجولة وغربة وقهر ............... وياااااه كيف كانت الفرحة لما عرفت إني نقلت مكة ماني
    مصدق حالي .. وأول ما نقلت وجيت على مكة حبيت أرضها وسويت عزيمة كبيرة...
    وحمدت ربي ورحت طفت في الحرم وصليت ركتين شكر ... ورحت سيدا على البيت أبشر المدام
    وبنتي شعيرية ... وتاني يوم أخدت أوراق المباشرة ودلوني على المكان الجديد اللي أداوم فيه
    كان المكان برات مكة يعني في ضاحية من ضواحيها وبعد سؤال ودوارة ودوخة راس
    عرفت المكان .... إيش من مبنى ...ودخلت المبنى أدور على غرفة المدير ... وحاسب نفسي جاي أول واحد
    دخلت الغرفة اللي مساحتها 6×10 طول في عرض تقول ملعب طائرة
    والمكتب اللي هو تقول مكتب وزير وعاد أخوكم مكشخ
    على الآخر وريحة البرفان اللي تشمها من آخر المبنى ... ولما دخلت على المكتب حق المدير
    ... والله الناس والموظفين اللي على الكنبات اللي مالية الغرفة وماحد على كرسي المدير ..
    قلت ياللا نستنى مو مشكلة ... سلمت على اللي في الغرفة ... وجلست بعد ما ردوا السلام
    جلست جنب واحد ... كدا توبه على قد حاله ... والشماغ اللي ما شاف النشا وكمان
    ماهو لابس عقال ... وكان في كلام داير بيناتهم ...وأنا التفت ناحية الرجال اللي جمبي
    وبصوت ماهو مسموع أقول له : كيف حالك يا أخي .... و متى يجي المدير ....؟
    قال : شوية ويجي ... أقوم أصب لك شاي ... وقام أخينا في الله وصب لي الشاي
    وأعطاني البيالة وجلس مكانه ... قلت : إنتا الفراش ... ؟؟!!! قال : إيوة ...
    وبعد الترحيب من الزملااا قال لي واحد فيهم ... شكله كدا أنتيكة : أنتا الموظف الجديد ؟
    قلت : إيوة .
    قال : من فين الأخ ...؟
    قلت : من المسفلة ...
    ابتسملي وقال : لالالالا قصدي من فين جاي .. مين فين منقول ؟؟
    قلت : منقول من حفر الباطن على هنا وجا النقل على هادا المكان .
    قال : مرحبابك ... واللي يقول إن شاء الله ح تنبسط معانا ... واللي يمدح في المدير
    ويقول : إنووو طيب ... وشبابي ... وفلاوي ... وبعد هاداك الترحيب واللي منوووو
    قاموا الموظفين كل واحد على عملو وبقيت أنا وهاداك الراااجل اللي جمبي ...
    وصرت أطالع فيه ... ويطالع في....ويبحلق ..
    وشوية قال : مرحبابك يا أخي اسمك الكريم ؟
    قلت : أخوك POP ME شاعر منتدى فلمبان .....هاهاهاهاها
    قال : بالله كم بيت من اشعارك لحسن أنا أحب الشعر ...
    قلت في نفسي شوف الإنسان الفاضي دا ... وأخدتو على قد عقلووو ..
    وقلت له كم بيت من أبياتي اللي كتبتها ونزلتها المنتدى .. أنبسط الأخ ..
    وقال : بالله أعطيني الرابط حق المنتدى ... أبغااا أسجل فيه ...
    وأنا مستغرب فراش ويخش منتديات ... ويعرف للنت والكمبيوتر .. سبحان الله ..
    وأخدنا الكلام وجلسنا نتحدث حوالي نص ساعة .. بصراحة أرتحت له ... زي ما هو أرتاح لي ..
    وأقول في نفسي ... والله إن كان الفراش كدا أكيد المدير واحد فله .!!!!!









    وشوية كدا سحب من يدي الأوراق حقت المباشرة... وقام من مكانه وراح على مكتب المدير
    قلت يمكن ... يبغا يحط الأوراق على المكتب إلين يشرف حضرة المدير ..
    إلا هو جالس على الكرسي ... ويقول : معاك أخوك فلان الفلاني المدير ...
    نزلت الكلمة زي الصاقعة ( الصاعقة ) على قلبي ....
    قلت / إنتاااا المدير ...؟
    قال : أي نعم ... ليه شكلي مو مدير ...؟
    قلت : لا حشاااك بس ...
    قال : لا بس ولا فار ... مرحبابك أنستنا وشرفتنا ياعم بوب مي ..
    وشوفو حالي كيف صاير .. الوجه ما ني قادر أرفعه .. من الخجل ...




    ابتسم ابتسامة حلوة ..... وقال : مكتبك في الدور الأول ...
    قمت من مكاني وأنا ملخبط ..........


    وصار كل ما يقابلني ..

    يقول لي : فرااااااااش هااااااااا
    وسلامتكم

    إن شاء الله عجبتكم
    توقيع

  2. مشاركه 2
    رقم العضوية : 1
    تاريخ التسجيل : May 2008
    المشاركات: 16,194
    التقييم: 18026
    الدولة : ღ مملكـة الرضا ღ
    العمل : استشاري تربوي.خبير ومستشار الجودة، أخصائيOSHA،مدير موارد بشرية ومديرHACCP

    افتراضي


    كل عام وأنتم بخيــــر

    نثّمن إطلالتكـے المميــــــــزهـ
    يـــــــا
    POP ME
    أسجلے اعجـــــــــــابيے وانتظــــــــر جديدكـے
    دمت ودامـ تواصلكـے الرائعے ،،



    الملكـــــة
    توقيع

  3. مشاركه 3
    رقم العضوية : 184
    تاريخ التسجيل : Jul 2008
    المشاركات: 155
    التقييم: 90

    افتراضي رد: اليوم التاني (أول يوم في مكة بعد مااا نقلوني !!!!)


    اقتباس المشاركة الأصلية كتبت بواسطة ♥ღ الملكـة ღ♥ مشاهدة المشاركة
    كل عام وأنتم بخيــــر

    نثّمن إطلالتكـے المميــــــــزهـ
    يـــــــا
    POP ME
    أسجلے اعجـــــــــــابيے وانتظــــــــر جديدكـے
    دمت ودامـ تواصلكـے الرائعے ،،



    الملكـــــة
    وكل عام وأنت بألف خير
    وسلااااااااااامتكم
    توقيع

  4. مشاركه 4
    رقم العضوية : 158
    تاريخ التسجيل : Jul 2008
    المشاركات: 21
    التقييم: 70

    افتراضي رد: اليوم التاني (أول يوم في مكة بعد مااا نقلوني !!!!)


    ههههههههههه

    والله المدير فلاوي وصاحب نكته

    بركة ما قلت له روح سويلي شاهي وبدل البربرة والكلام الفاضي

    تسلم يمينك يا عم بوب مي
    توقيع

  5. مشاركه 5
    رقم العضوية : 1
    تاريخ التسجيل : May 2008
    المشاركات: 16,194
    التقييم: 18026
    الدولة : ღ مملكـة الرضا ღ
    العمل : استشاري تربوي.خبير ومستشار الجودة، أخصائيOSHA،مدير موارد بشرية ومديرHACCP

    رد: اليوم التاني (أول يوم في مكة بعد مااا نقلوني !!!!)



    والله مدير رووعه

    بصراحه أحلى لما يكون المدير دمه خفيف وفلاوي :D

    هايشتغل الجميع بحب وهدوء نفسي مهما كانت ضغوط العمل .. :007:

    وكمان ياسلام لما يكون مثقف ويفهم كمبيوتر ونت ،،

    تسلم إيدك POP ME
    توقيع

    الجَودة ..هي ..العَودة
    لم نأتِ بجديد .. لكننـــــا نوضح الطريق...

    Saudi Arabia – Makkah
    mob: 0505574505
    E-mail : almalekah@al-malekh.com


    ليس المهم أن تكون ملكــــــاً .. ولكن المهم أن تتصـرف و كأنك ملكـ


  6. مشاركه 6
    رقم العضوية : 18
    تاريخ التسجيل : May 2008
    المشاركات: 546
    التقييم: 465
    الدولة : العاصمة المقدسة / جدة
    العمل : ممرضة في مستشفى الحرس الوطني

    رد: اليوم التاني (أول يوم في مكة بعد مااا نقلوني !!!!)


    ههههههههههههههههههههه ههههههههههههههههههههه ههههههههههههههههههههه

    اما من جد مدير فلللللللللللللللة و دمو خفيف .. عقبال ما اتوظف انا كمان و يكون مديري او مديرتي كدا :blow:

    كفو و الله دا المدير عجبني .. شكلو كان يبغى يختبرك يشوف انتا كيف شخصيتك من دون مدح و اطراءات زايدة و مبالغات و رسميات اللي تصير دايما مع المدراء :0069:

    الله يكتر من امثالو .. هههههههههههههههههه ومايطيحنا في مواقف زي مواقفك دي حلوة لكن محررررررجة :011:

    ومبرووك النقل خيووو .. دايما كدا تعب و عللعلة لكن ربك كريم :)

    يسلمو بوب مي على الحكايات دي الله يديك العافية .. ولا تتاخر علينا بكرة
    :showoff:

    مع محبتي .... وروودة
    توقيع

  7. مشاركه 7
    رقم العضوية : 10
    تاريخ التسجيل : May 2008
    المشاركات: 1,666
    التقييم: 1078

    افتراضي رد: اليوم التاني (أول يوم في مكة بعد مااا نقلوني !!!!)


    مديـــــــر فللللللللللله ....

    وصــادف صاحب القلب الطيب ( بوب مي ) ...

    وإلا ما كان يتعامل بهالشكل اللطيف والروح المرحة ... إلا من استشفافه ذلك من وجهكم الطيب

    دائماً . أنتظر يومياتك بشغف... لأستمتع بها .... ولعامل الجذب اللي فيها

    وسامحنا على طلباتنا ......

    دمت بكل الحب
    توقيع

  8. مشاركه 8
    رقم العضوية : 3
    تاريخ التسجيل : May 2008
    المشاركات: 6,303
    التقييم: 3652
    الدولة : مكة حقنا^_^

    افتراضي رد: اليوم التاني (أول يوم في مكة بعد مااا نقلوني !!!!)


    هههههههههه

    و الله موقف محرج , بس الحمد لله إنك عديت منه بسلام ..

    و مديرك ترى فله أُس 3 كمان ..

    الله يكتر من أمثاله ..

    دمت بخير n_n
    توقيع


    Diamond-Heart

  9. مشاركه 9
    رقم العضوية : 184
    تاريخ التسجيل : Jul 2008
    المشاركات: 155
    التقييم: 90

    افتراضي رد: اليوم التاني (أول يوم في مكة بعد مااا نقلوني !!!!)


    اقتباس المشاركة الأصلية كتبت بواسطة الرائد2002 مشاهدة المشاركة
    ههههههههههه

    والله المدير فلاوي وصاحب نكته

    بركة ما قلت له روح سويلي شاهي وبدل البربرة والكلام الفاضي

    تسلم يمينك يا عم بوب مي
    والله من فلاوي فلاوي
    لدرجة حتى لما اتقاعد وأقابله
    يجيب سيرة الفراش والموقف دا
    أسكت يالرائد أصلو أنا بعد الموقف دا صرت أتحاشاه
    عشان الفشلة بس
    لكن طلع من جد راجل وسيد الرجاجيل
    وسلااااااااااااامتكم
    توقيع

  10. مشاركه 10
    رقم العضوية : 184
    تاريخ التسجيل : Jul 2008
    المشاركات: 155
    التقييم: 90

    افتراضي رد: اليوم التاني (أول يوم في مكة بعد مااا نقلوني !!!!)


    اقتباس المشاركة الأصلية كتبت بواسطة ♥ღ الملكـة ღ♥ مشاهدة المشاركة

    والله مدير رووعه

    بصراحه أحلى لما يكون المدير دمه خفيف وفلاوي :D

    هايشتغل الجميع بحب وهدوء نفسي مهما كانت ضغوط العمل .. :007:

    وكمان ياسلام لما يكون مثقف ويفهم كمبيوتر ونت ،،

    تسلم إيدك POP ME
    هو ختلني والله شكله مايوحي باللي يملكه
    من ثقافة وحسن تصرف وأنا أتعلمت منه الكثير
    بس إيش يجيب الثرى جمب الثريا
    وسلاااااااااااااامتكم
    توقيع

صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. اليوم أول أيام عيد الفطر في معظم الدول العربية والإسلامية
    بواسطة بحر الحب في المنتدى ۩ فَاذْكُرُونِي أَذْكُرْكُمْ ۩
    مشاركات: 1
    آخر مشاركة: 09-14-2010, 04:11 PM
  2. الجزء الثاني والعشرون
    بواسطة الملكــ7ــة في المنتدى ۩ جنة القرآن الكريم ۩
    مشاركات: 0
    آخر مشاركة: 09-04-2009, 02:16 AM
  3. الجزء الثاني عشر
    بواسطة الملكــ7ــة في المنتدى ۩ جنة القرآن الكريم ۩
    مشاركات: 0
    آخر مشاركة: 08-23-2009, 11:40 PM
  4. الجزء الثاني
    بواسطة الملكــ7ــة في المنتدى ۩ جنة القرآن الكريم ۩
    مشاركات: 0
    آخر مشاركة: 08-23-2009, 06:31 AM
  5. الجزء الثاني من ملف المعجنات ..
    بواسطة الغروب22 في المنتدى ۩ بيتك ومطبخك ۩
    مشاركات: 2
    آخر مشاركة: 07-22-2008, 01:35 AM

الأعضاء الذين شاهدو الموضوع: 0

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

vBulletin Skins & Themes 

جميع الحقوق محفوظة لمنتديات الملكة للجودة

تصميم النور اونلاين لخدمات الويب المتكاملة