صفحة 1 من 3 123 الأخيرةالأخيرة
النتائج 1 إلى 10 من 21
  1. مشاركه 1
    رقم العضوية : 184
    تاريخ التسجيل : Jul 2008
    المشاركات: 155
    التقييم: 90

    افتراضي اليوم التالت( خمس تميسات مقمرة )


    اليوم التااالت من يوميااات بوب مي





    شوفووو يا حبايبي عندي لكم قصة .. لما كنت صغير
    عمري تقريبا 9 أو عشرة سنوات ...يعني حولها .
    كان الوالد في العصرية .. يخرج برة البيت
    وله مركاز ... يجي يرش الأرضية قدام المركاز
    بالموية .. عشااان يرطب الجو شوية ...
    ونحنا لساتنا صغار كنا نلعب قدام المركاز عشان نكون قريبين
    لما الوالد يطلب حاجة طوالي نجيب له الطلب ..
    وكان أكثر طلباتو ... التعميرة وبراااد الشاي
    كنا وقتها نلعب برجون......
    ولما يجووو أصحابه نروووح البيت ....
    وعلى وش المغرب ... يرسلني أروح أجيب فول .... وتميس .. من الفوال
    حق الحارة ... دكان الفوال بعيد شوية ... يعني يبغالي ربع ساعة
    عشان أوصل ... وزيها عشان أرجع ...وإذا في لفلفة ساعة بالكتير .



    طبعا زمان ما كنا نشتري الفول زي دحين في أكياس نايلو ..
    والا الصحون البلاستيك .... لإنو يقووولووو الطعم يتغير في الأكياس
    والصحون ... ولما أروح اشتري الفول لازم أخد معايا المطبقية
    الخاصة بالفول ... المهم يومياتي وأنا على كدا أجيب الفول ..
    وكنت في طريقي أمر على جيراننا ... لهم مركاز خاص
    وكل مغربية لما أمر من عندهم ينادوني .. أشتري لهم معايا تميس وفول
    بصراحة ماهي مرة ولا مرتين .... كل يوم وأنا اشتري لهم ...
    المشكلة لا حمدا ولاشكورا ... كني شغال عندهم وبحكم الجيرة ومعرفة الوالد
    ما كنت أقدر أقول لأ....لإني راح أتلطش تلطيش لو لو قلت لأ..
    ومرة من المرات كنت طفشان ... وأرسلني الوالد أجيب الفول والتميس على العادة
    قلت لأبويا أرسل أخويا قال لي : لأ روح أنتا من هنا من هناك
    حاولت أفلسع ... ما قدرت .... حاولت والوالد لا قال كلمة تمشي يعني تمشي
    الله يرحمك يابويا ... لو شفت عيال اليومين دي !!!!! المهم
    أخدت المطبقية والمنشفة ... ورحت
    وأنا في طريقي نادني جارنا .. وقال لي : ياواد خد هادي الفلوس
    وجيب معاك فول وتميس ... وخلي التميس مقمر شوية ...
    أخدت الفلوس ورحت للفوال .. وطلبت الطلب حقي وحق الجار ..
    جارنا كان طالب .. خمسة تميسات مقمرة ...
    المهم قلت للفوال ... تميستين قمرها وثلاثة أحرقها
    استغرب الفوال من الطلب حق التميس المحروق ... قال لي : ياولدي هادا ما يتأكل
    قلت : لا خليها محروووقة أبويا يبغاها كدا ... أنتا ماتعرف أبويا لو بغا حاجة .
    وكل ما يخرجها أقول له ردها إلين تحترق...
    من جد احترقت صح ... وبعدين أخدتها
    وأنا مبسووووط
    ::::::::::::::::::::: ::::::::::::::::::::: :::::::: :::::::::
    أخدت الطلب .. وفي الطريق حطيت تميسة مقمرة من فوق وتميسة مقمرة من تحت
    والثلاثة المحرقة بينهم ... ورحت للجار وأعطيته الطلب ..

    وبعدين رجعت البيت ..
    ××××××××××××××××××××× ×××
    وفي اليوم التاني ...زي العادة ... أخدت الفلوس والمطبقية والمنشفة
    ورايح على الفوال ... ومريت بالجماعة اللي في المركاز ..
    وسلمت عليهم وقلت لجارنا : ها ياعمي أجيب لك تميس وفول ؟..
    قال : لا ياولدي ... شكرااا يابطل ....
    أنا راح أجيب ... وأتفااهم مع الفوال بنفسي هههههههه
    طبعا ضحكت بيني وبين نفسي ...
    وعاد تصدقو بعدها ما عاد جارنا يقول لي جيب
    معاك تميس !!!!!!!!!!!!!!!!!!
    وكم مرة اسمعهم يوتوتو ... ويقولو .... هادا اللي
    جاب لك التميس المحروووووق ..





    والحمد لله فكينا من المرسال




    أنا في انتظار زيارتكم وردووودكم وملاحظاتكم
    وإلى اللقاء في يوم جديد وقصة جديدة
    وسلامتكم
    توقيع

  2. مشاركه 2
    رقم العضوية : 1
    تاريخ التسجيل : May 2008
    المشاركات: 16,194
    التقييم: 18026
    الدولة : ღ مملكـة الرضا ღ
    العمل : استشاري تربوي.خبير ومستشار الجودة، أخصائيOSHA،مدير موارد بشرية ومديرHACCP

    افتراضي


    كل عام وأنتم بخيــــر

    نثّمن إطلالتكـے المميــــــــزهـ
    يـــــــا
    POP ME
    أسجلے اعجـــــــــــابيے وانتظــــــــر جديدكـے
    دمت ودامـ تواصلكـے الرائعے ،،



    الملكـــــة
    توقيع

  3. مشاركه 3
    رقم العضوية : 18
    تاريخ التسجيل : May 2008
    المشاركات: 546
    التقييم: 465
    الدولة : العاصمة المقدسة / جدة
    العمل : ممرضة في مستشفى الحرس الوطني

    افتراضي رد: اليوم التالت( خمس تميسات مقمرة )


    ههههههههههههههههههههه هههههههههه

    ذكي ماشاء الله عليك و الله مو ممكن اتجرأ اسوي زي كدا

    ههههههههههههههههههههه هههههههههههههههه

    طلعت شقي زي بابا .. بما انك من المسفلة كمان والله ما استبعد انك تعرف بابا لانو هوا كمان من اهل المسفلة و كانت لو سمعة بطااااااااااااااااااا لة بسبب شقاوتو الزايدة ...

    الحمد لله نحنا بزورة هادييين و ماعندنا شقاوات زي كدا :)

    عمنا بوب مي اضحك الله سنك من جد زغدت على دي الحكاية .. ههههههههههههه

    يسلموا ايديك ..


    مع محبتي .... وروودة
    توقيع

  4. مشاركه 4
    رقم العضوية : 1
    تاريخ التسجيل : May 2008
    المشاركات: 16,194
    التقييم: 18026
    الدولة : ღ مملكـة الرضا ღ
    العمل : استشاري تربوي.خبير ومستشار الجودة، أخصائيOSHA،مدير موارد بشرية ومديرHACCP

    برافو يا بوب مي


    :2f87d42f252880131a2


    برافو عليك والله ...

    في ناس مايعرفوا المجاملة أبداً :embarassed:

    ولما تكون أنت ذووق يزودوا فيها حبتين :sad_1:

    لدرجة تكره المعروف معاهم :no:

    كويس كده يابوب مي

    وعلى فكره أجرك لكل المرات السابقه ما ينساه ربنا أبدا

    بس كده اعطيته درس :182fd25f9b06446ba41 عمره ما هاينساه ..

    طفل أتصرف بذكاء وبراءة الطفوله ما شاء الله عليك ،، :thumbs_up:
    توقيع

    الجَودة ..هي ..العَودة
    لم نأتِ بجديد .. لكننـــــا نوضح الطريق...

    Saudi Arabia – Makkah
    mob: 0505574505
    E-mail : almalekah@al-malekh.com


    ليس المهم أن تكون ملكــــــاً .. ولكن المهم أن تتصـرف و كأنك ملكـ


  5. مشاركه 5
    رقم العضوية : 147
    تاريخ التسجيل : Jul 2008
    المشاركات: 5,137
    التقييم: 937
    الدولة : قلب أحبتي
    العمل : أستاذة فرنسي

    افتراضي رد: اليوم التالت( خمس تميسات مقمرة )


    خلصت نفسك بطريقة ذكية

    انا لا أجرأ على فعل ذلك لأني خجولة جداا


    يوميات ممتعة تجعلني أترقب في شوق ما يحمله الغد من أحداث


    تقبل مروري أخي الكريم
    توقيع

  6. مشاركه 6
    رقم العضوية : 158
    تاريخ التسجيل : Jul 2008
    المشاركات: 21
    التقييم: 70

    افتراضي رد: اليوم التالت( خمس تميسات مقمرة )


    هو أنت ؟؟؟؟؟؟؟؟؟؟؟؟

    أنت اللي جبت لجارنا التميس المحروق واللي بسببها بطل يزوجني بنته ههههههه

    الله يسامحك يا عم بوب مي


    بس تدري تميس زمان ولو كان محروق أطعم من عيش التوست تبع أولاد الزمن دا ههههههههههه


    ودمت بود
    توقيع

  7. مشاركه 7
    رقم العضوية : 10
    تاريخ التسجيل : May 2008
    المشاركات: 1,666
    التقييم: 1078

    افتراضي رد: اليوم التالت( خمس تميسات مقمرة )


    بوب ....

    تصريفه بأدب .. وذوووق

    وايصال رسالة .. بطريقة جميلة

    وبعدين الحبكه الرهييبة ... ( وقلت لجارنا : ها ياعمي أجيب لك تميس وفول ؟..
    قال : لا ياولدي ... شكرااا يابطل .... )

    والله إنك بطــل ....

    تسللللللللللللللللم ع اليومياااااااااااات يا الغالي
    توقيع

  8. مشاركه 8
    *طبيب أطفال*
    رقم العضوية : 115
    تاريخ التسجيل : Jun 2008
    المشاركات: 470
    التقييم: 631
    الدولة : أطهـــر البقـــاع
    العمل : Doctor

    افتراضي رد: اليوم التالت( خمس تميسات مقمرة )


    ههههههههههههههه

    فكرة ولا اروع

    و دهاء وحنكة

    هههههههه

    ايش رايك اطبقها

    بس

    ..........

    بوب مي

    شكرا جزيلا لك

    دمت بكل الود
    توقيع

  9. مشاركه 9
    رقم العضوية : 3
    تاريخ التسجيل : May 2008
    المشاركات: 6,303
    التقييم: 3652
    الدولة : مكة حقنا^_^

    افتراضي رد: اليوم التالت( خمس تميسات مقمرة )


    ههههههه

    و الله إنك ذكي ما شاء الله عليك..

    و عرفت كيف تخرج نفسك من دي الورطه..

    الله يسعدك دايما..

    دمت بخير n_n
    توقيع


    Diamond-Heart

  10. مشاركه 10
    رقم العضوية : 9
    تاريخ التسجيل : May 2008
    المشاركات: 3,712
    التقييم: 629
    الدولة : عالمي الخاص
    العمل : أخصائية مختبر - ماستر جودة

    افتراضي رد: اليوم التالت( خمس تميسات مقمرة )


    هههههههههههههه

    والله إنك بطل..

    فكرتني بالعروسه اللي ما تبغى العريس..

    وصية صحباتها الرنانة..

    كبي العصير عليه لمن تقدميه يوم الشوفه..

    ما أدري أيش علاقة دا بدا..

    المهم..

    قصة ظريفة..

    ما زلنا نتابع..
    توقيع
    كلماتي في الحب.. شعر وفاء
    مدرستي في الحب.. شموخ و كبرياء
    هبتي للحب.. أمواج عطاء
    دمعاتي على الحب.. قطرات صفاء
    لحني في الحب.. معزوفة علياء
    بحري في الحب.. للعاشقين فضاء
    ===========

صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. اليوم أول أيام عيد الفطر في معظم الدول العربية والإسلامية
    بواسطة بحر الحب في المنتدى ۩ فَاذْكُرُونِي أَذْكُرْكُمْ ۩
    مشاركات: 1
    آخر مشاركة: 09-14-2010, 04:11 PM
  2. الجزء الثالث والعشرون
    بواسطة الملكــ7ــة في المنتدى ۩ جنة القرآن الكريم ۩
    مشاركات: 0
    آخر مشاركة: 09-04-2009, 02:28 AM
  3. الجزء الثالث عشر
    بواسطة الملكــ7ــة في المنتدى ۩ جنة القرآن الكريم ۩
    مشاركات: 0
    آخر مشاركة: 08-23-2009, 11:58 PM
  4. الجزء الثالث
    بواسطة الملكــ7ــة في المنتدى ۩ جنة القرآن الكريم ۩
    مشاركات: 0
    آخر مشاركة: 08-23-2009, 07:20 AM

الأعضاء الذين شاهدو الموضوع: 0

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

vBulletin Skins & Themes 

جميع الحقوق محفوظة لمنتديات الملكة للجودة

تصميم النور اونلاين لخدمات الويب المتكاملة