صفحة 1 من 2 12 الأخيرةالأخيرة
النتائج 1 إلى 10 من 14
  1. مشاركه 1
    رقم العضوية : 174
    تاريخ التسجيل : Jul 2008
    المشاركات: 9,322
    التقييم: 1050
    الدولة : جوار سيد الخلق صلى الله عليه وسلم
    العمل : مستشار
    الهوايه : ادارة الاعمال-التسويق-التنظيم

    افتراضي كورس لغة حجازيه‎


    كـلامهم عـسـل












    --------------------------------------------------------------------------------


    ذا يا سادة ياكرام كورس لغة لازم تتعلموه قبل ما تجي جده ومكة لانه بيكون هناك امتحان



    TOFFEL

    لازم تعدوه بنسبة500/1000

    الله معاكم









    اللهجة الحجازيه على مر العصور


    اللهجة الحجازية :
    هي لهجة أهل المنطقة الغربية في السعودية وتتمركز بالذات
    في مكه وجده والمدينة والقرى القريبة منها اكثر من باقي المدن اللي في الغربية وهي لهجة تأخذ من اللهجة البدوية و اللهجة المصرية ولكنها تميل الى المصرية والسبب انه ايام العثمانيين كان فيها مصارية كتير قد الجبل

    وطبعا تختلف لهجة العجايز عن الجيل الحاضر ..

    لهجة العجايز تحسوها معتقة ومصطلحاتها القديمة ما تنفهم وما يستخدموها الا عتقية البلد اما الشباب حقون دحين ما عاد صار يستخدموها . وكمان ما ننسى ان اللهجة الحجازية فيها الكثير من الأمثال القيمة


    وبسم الرحمن نبدأ في بعض ما تختص
    بيه لهجتنا الحجازية الغاليه :







    مصطلحاتنا :


    في كثير من المصطلحات الحجازية اللي من الصعب انو اي واحد غير حجازي يفهمها واتفضلوا هذي بعضها :


    اندر بره : اخرج

    العن سنسفيلك : اهزأك

    اديلو : اعطيه

    الدهليز : مدخل البيت

    الكرتة : الفستان

    الكندره : الجزمة اكرمكم الله

    القنعه : العبايه

    الكرويتة : دكة خشبية

    الزقاق : الشارع الضيق

    وأعتقد أنها أصبحت كلمة معروفة بفعل النزح المكاوي على المدن الأخرى، وهو المعروف عند أهل نجد بالدعتسوس الداعوس <---- زقاق أهون وربي




    باختصار هو الشارع الضيق



    دندرمة : ايس كريم و تراها مي سبّة تراها كلمه معروفة جداً، وبعد دخول التطور إلى الحواري المكّاوية أصبحت تعرف بالآيس كريم

    دحديرة : نزلة او منحدر

    الدبش : اغراض العروسة قبل لا تتزوج

    القابلة : بكره = اللي تولد الحوامل

    المملك : المأذون الشرعي

    الدقيسي :الفراغ اللي تحت الدرج أو المخزن

    المرقعة : الدلع والمياعه في الكلام والتصرف

    يتتريق : يستهزء

    اللغوصة : نقل الكلام وتسبيب المشاكل

    الدحلسة : اذا كنت بتتمصلح مع واحد عشان تبغى منه شي تقول يدحلس
    .

    هججوني : ازعجوني

    قوامن : بسرعه , حالاً

    مضليون : طبعاً الكلمة هذي تحفة اللهجة المكاوية، وكانت النساء تتفاخر بمن تملك فيهن مضليون و المضليون هو البروش الألماس




    الحرمصة: يقولك في غابر الغابرين ( واحد متحرمص على نتيجته) والمعنى العلمي لها هو عدم الاستقرار النفسي أو انتظار الشيء على أحر من الجمر




    المرمشة: يمين بالله علينا كلمات فلّه

    المرمشه: بفتح الميمين هي نهش ما على العظام من اللحم، أو نهش ما على أي شيء من أي شيء




    الزبلحة: ياساتر على الكلمات اللي تودي فدهية، المهم الزبلحة هي قلة الأدب والتواقح في الكلام

    العكننه : وهي التنكيد على شخص معين،

    و في مصطلحات كتيرررررررررر غيرها .

    2- أمثال حجازية :

    إذا جيت رايح كتر من الفضايح.
    او إذا جيت رايح كتر من الملايح




    بعد ما أكل واتكا قال ريحته مستكا.




    حاجه ما تهمك وصي عليها جوز أمك.




    ست وجاريتين على قلي بيضتين.




    أعمى وينضم خرز.




    دلع الكبار زي الشقدف على الحمار
    يضرب هذا المثل لخروج العجوز عن وقاره وجديته



    والشقدف عشان الاسئلة بس:ما كان يوضع على الجمل ليجلس فيه المسافرون




    اللي ماله أم حاله يغم.




    كنس بيتك ورشُه ما تدري مين يخشوا.




    الخايبه تتعلق بالحبال الدايب.




    أهري وانكتي يا جاره وأنا ثابته زي العماره.




    شايل لنا طيران عبد القادر




    لو لك شي عند الكلب قول له يا سيدي




    لا تقرصيني يا نحله ما أبغالك عسل..




    يحسدوا الفقير على موتة الجمعه




    سكتنا له دخل بحمارووو




    ما يقدروا على الحمار يقدروا على البردعة




    اذا حلقوا لغيرك بل راسك واستنى




    ايش عرف الحمير بأكل الجنزبيل




    البيض الفاسد يدحرج على بعضه


    اذا تعاندوا الحمير يا بخت الركاب








    البيضه ما تخابط حجر


    حبيبك يمضغ لك الزلط وعدوك يعد لك الغلط


    حمارتك العرجة تغنيك عن سؤال اللئيم


    داخل لبيت العروسه نادر من بيت العريس


    ياريتني بيضه وعرجه اصلوا البياض فرجه(بضم الفا).


    يااخد القرد بماله يروح المال ويبقا القرد على حالو


    الله من محبته في عبيدو جعل العمر والرزق بيدو.



    اللي يشوفني بعين اشوفوا باتنين.


    مين يشوفك يالي في الضلام تغمز


    على قد زيتوا سرجلوا


    ماتعرف خيري لين ماتجرب غيري


    عقربة في الغار ولا ضُرة في الدار



    فقير اتجوز فقيرة خلفوا وجع القلب


    كبيرهم فلفل وصغيرهم زنجبيل واللي في الكوفلة يقول من العايدين


    خاتم بفصو وكل شيء ترصوا


    خشوني لاتنسوني
    ولعوا الشمعة وشوفوني


    عمية تحفف مجنونة وتقولها حواجبك سودا ومقرونة


    الصرمة والقبقاب صاروا أصحاب


    يا داق الموية في المهراس يا مربي وليد الناس


    كل عيش البخيل ولا تأكل عيش المنان


    أدب ولدك وان زعلت امه


    يابخت من بكاني وبكى الناس عليه ولا من ضحكني وضحك الناس عليه.


    رضينا بالهم والهم ما رضي بينا


    اتملت العدوة وقلت المروه


    أكلوا الملوخية وصاروا أفندية


    لمن كنا ما كانوا ولمن رقدنا قاموا


    قالوا متى طلعت القصر قالوا أمس العصر


    العروسه للعريس والجري للمتاعيس


    سلامتك والهيل والقرنفل قمامتك


    اللي يشيل قربه مخروقه تنقط على راسه


    الحجر من الارض والدم من راسك


    أخوانك من أمك زي الدهب في كمك و أخوانك من أبوك زي القوم لما ينهبوك




    من بيت أصقع لبيت أرقع


    مطبق العاده و معصوب كل يوم
    ههههههههههههههههههههه هههه


    في كل محضر بالتوب الاخضر




    باب المجلس يقول باب السطوح ... اللي يجي يجي .. واللي يروح يروح


    خليها في القلب تجرح و لاتخرج بره ترمح




    الحر من غمزة والحمار من رفزه
    يضرب هذا المثل لايضاح الفرق بين النبيه والبليد.




    حمار الحكومة حكومة
    يضرب هذا المثل للموظف الصغير المتسلط على الناس


    خطبوها اتعززت تركوها اتندمت
    يضرب لمن يتظاهر بعدم الرغبة حينما يعرض عليه امر ولكنه يندم بعد فوات الاوان


    كل حبه مسوسه لها كيال اعور







    قلبي على ولدي انفطر وقلب ولدي عليا حجر.


    و لا تنسوا ارضى بقردك لايجيك اللي أقرد منوو



    الحب عياقة ...توب بلا ياقة



    الالقااااااااااااااب :
    عندنا في الحجاز وخصوصا مكه في اسماء يعطوها كنيه او لقب على سبيل المثال واحد اسمو عبد الله يقولولو أبو عابد ... وهذي بعضها :

    عمر : أبوسراج
    حسن : أبو على
    حسين : أبو هلال
    يوسف : أبو يعقوب
    عبدالله : عبادي او ابو عابد
    عبدالرحمن : الوجيه
    عبد الرحيم : أبو رحمه
    فيصل : أبو عبدالله
    عبد العزيز : عزيز أو ابوسعود
    فاطمة
    : فتو
    مريم : منّة
    ابراهيم : أبو خليل


    كمان الحجازيين فيهم اخلاق و احترام مافي بعدها


    لما يطلب منك سكينه ايش يقول ؟




    يقولك الله يخليك اديني سكينة في قلب العدو




    لما يقلك كنت بأكل

    يقلك كنت ب أتعشى مثلاً فضله خيرك








    اشياء و تراجمها :

    بيت الما: وهو ما يعرف حاليا (بدورة المياه) وقد سماه الجيل الصاعد المكاوي الآن (الطهارة) وقد ورد انه تم التسمية هذه على أساس انه مكان كبير في البيت يوجد فيه الماء فسمي بـ بيت الما.

    المركّب: بتشديد الكاف، وهو ما يسميه جميع الناس الآن (المطبخ) والى الآن يعتبر علماء اللغة العربية هذه التسمية من عجائب التسميات لأنه لا يوجد سبب معروف للتسميه هذه إلى الآن!!!!

    الدقيسي: بتشديد الدال وكسرها وكسر السين، وهو ما يعرف بالمستودع ، يقول الكاتب
    المكاوي (محمد يواد فلاته) أن التسمية تعود إلى الحرب العالمية الأولى حيث استخدم أول مره كمخزن للذخائر وسمي في مكة بالدقيسي ، وقد قام جيل 2000 من شباب وشابات مكة بتسميته بالمخزن بدافع التطور.

    القرندي: بفتح القاف والراء وتسكين النون وكسر الدال <<<مشوار ها؟
    وهذا نوع من أنواع مداعبة الأب المكاوي لابنه فعندما يناديه ويتأخر 3 ثواني يقله (بسرعة عساك القرندي)
    ويفسر علماء الجن أن القرندي نوع من أنواع الجن وببساطه يدعي الأب على ابنه بالقرندي <<شفتو اللطافه.

    الفقده:مفعول عشانه من فعل يفقد، وهذا نوع آخر من أنواع المداعبة وهي الخاصة بالأم المكاويه.
    حيث تداعب أولادها بـ (تعال الله يفقدك)

    توتوا: وهو نوع من أنواع المعادن المكتشفة في الاوديه المكاويه. ويستخدمونها المكاوية في تصنيع نوعين من الأشياء اللي تنحط فيها مويه للشرب وهو ما يسمونها زينا (الكاسه) ومو زينا (المغراف).

    المغراف:هو نوع من أنواع الكاسات التوتوا ، في حين انه تمت إضافة معلومة من علماء الجن
    المذكورين سابقا
    انه في مرة من المرات قامت أم تداعب ولدها لصغير (الشقي) اللي يلعب يالمغراف وقالتله الله يفقدك بس
    وبعدين قالت خلاص يامغراف خده وفي لمح البصر اختفى الولد ، والمغراف هو نوع من أ نواع الجن
    وكان بالصدفة متواجد في مكة هذا الجني ههههههههههههههههههههه



    على طبطابي .. : يعني على مزاجي : cool:

    مِرَسْتَكَه ..: يعني متأنتكه يعني مرة شياكة .. ومرتبّة


    وايق
    : .... يعني طالع .... يعني مثلاً تقول .. : ( ياواد وايق زي الناس لا اهبدك باتقل شي قدامي ..


    و لا أهبدك اللين أجدد ايمانك

    تزل ... : يعني تمر

    مرحبمبك ... : يعني مرحبا بك .. بس باختصار شوية : D

    باطِرمَة ... : يعني جلسة ... كنب حاجة زي كده ...

    كَرَاوِيتَه : ... حاجة خشب كده .... يحطوا عليها الباطرمة ....

    مَدَارِيْه : ...... مراجيح ... :D

    ندرت عينك من حُقّها ... : يعني خرجت عينك من محلها .... كده ::]

    شَلْمَه ...: يعني فجعه .. يعني مثلاً تقول ( اشبك ياواد مشلوم كده عالاكل ؟؟ ) .. ::]

    قيّسْتَك : ... يعني حسّبتك .... توقعتك .... هقيتك

    يعني مثلاً .. ( قيستك ياواد حتزل على عمتك فتّو ) ... وه ياستيته .. : D

    بُخْنُق ... : اللي يتلبس في الراس ويكون مخيّط على قده .... : SMIL:

    مِدَهْمَلْ : .... يعني مبهدل .... يعني مثلاً ( اشبك ياواد مدهمل كده .. لاتكون كنت بتلعب في المداريه ) ؟؟ :-@

    دهليز : يعني سيب (... سيب وانا اسيب :D )..... يعني محل كده زي اللي يكون قدام ابواب العماير

    من جوّه .... :SMIL:

    زنبيل : ... يعني كيس ... : cool:

    زلطة : .... سَلطة بعد التعديل ... |324|

    يدعك : ... يعني يفرك ... يعني مثلا .. ( ايش بتسوي يابت :-@ ... بادعك الاسورة : D .. روحي يابت عساكي بداعوك يدعك مصارين شيطانك غسلي الصحون بدل مانتي قاعدتلي كده لاشغله
    ولا مشغله
    .... :-@ )

    مجغجغ : مليان مويه




    لعيونكم كمان محادثه مكاويه :



    ماجد ابو صدقه / يواد يامعمر
    عمر ابو سراج / هلا مجود
    ماجد ابو صدقه / كيف الحال والتحوال
    عمر ابو سراج / خليها على ربك ياشيخ
    ماجد ابو صدقه / بلا في شكلك ... خاربها من بدري ... اشبك
    عمر ابو سراج / لا بس البزوره جابولي القلق
    ماجد ابو صدقه / صفقهم احسن لك
    عمر ابو سراج / يابن الحلال الحرمه دي زي المرض قاعدتلي
    ماجد ابو صدقه / من جد ... المهم رايح القهوة
    عمر ابو سراج / قدام ... والله مره المنجا
    عندي يبغالها ترويق
    ماجد ابو صدقه / هه مايبغالك الا باعشن
    عمر ابو سراج / من جد ... سرينا
    ماجد ابو صدقه / خلاص بعد نص ساعه امرك
    عمر ابو سراج / هيا لا تتاخر ... تراها واصله معايا
    ماجد ابو صدقه / بس تره مفلس
    عمر ابو سراج / لا تشيل هم .. انا منقرش
    ماجد ابو صدقه / الله عليك ياعمده .. او كي يالله القاك هناك
    عمر ابو سراج / على خير


    هذا اللي عندي بصراحه واتمنى ان الموضوع يكون عجبكم

    واي واحد عنده اضافات أتمنى انو ما يبخل علينا والله يعطيكم العافيه


    احيانا والله اعلم يقولو السمك عرّق!!!!!!!!!!!! !!!!!!!!! !!!!! !!!!!!!!!
    يعني نزله عرق
    ليه ياربي؟؟
    وهذا يدل على سوء القلي





    و في النهايه أقول أهل مــــــــــــكـــة حمــــــــااااام



    و مالي شغل
    توقيع
    حب ما تعمل كي تعمل ماتحب

  2. مشاركه 2
    رقم العضوية : 1
    تاريخ التسجيل : May 2008
    المشاركات: 16,194
    التقييم: 18026
    الدولة : ღ مملكـة الرضا ღ
    العمل : استشاري تربوي.خبير ومستشار الجودة، أخصائيOSHA،مدير موارد بشرية ومديرHACCP

    افتراضي



    اللهم صل على سيدنا محمد

    نثّمن إطلالتكـے المميــــــــزهـ
    يـــــــا
    top quality

    أسجلے اعجـــــــــــابيے وانتظــــــــر جديدكـے
    دمت ودامـ تواصلكـے الرائعے ،،



    توقيع

  3. مشاركه 3
    رقم العضوية : 147
    تاريخ التسجيل : Jul 2008
    المشاركات: 5,137
    التقييم: 937
    الدولة : قلب أحبتي
    العمل : أستاذة فرنسي

    افتراضي رد: كورس لغة حجازيه‎


    شكرا على الكورس الروعة
    توقيع

  4. مشاركه 4
    رقم العضوية : 174
    تاريخ التسجيل : Jul 2008
    المشاركات: 9,322
    التقييم: 1050
    الدولة : جوار سيد الخلق صلى الله عليه وسلم
    العمل : مستشار

    افتراضي رد: كورس لغة حجازيه‎


    لاعدمنا المرور والرد









    تحياتي
    توقيع
    حب ما تعمل كي تعمل ماتحب

  5. مشاركه 5
    رقم العضوية : 18
    تاريخ التسجيل : May 2008
    المشاركات: 546
    التقييم: 465
    الدولة : العاصمة المقدسة / جدة
    العمل : ممرضة في مستشفى الحرس الوطني

    افتراضي رد: كورس لغة حجازيه‎


    خليها في القلب تجرح و لاتخرج بره ترمح

    ههههههههههههههههههههه ههههههههههههههههههههه ههههههههههه

    خطيييييييييييييييييير ة

    بس لمن نقولها مانقول ترمح نقول تفضح

    حلو الموضوع حاخدو و انشرو ايميل ^_^

    يسلمو توب


    اعرف مثل بابا و ماما يقولو احيانا ..

    مافلحت تكنس بيتها راحت تكنس بيت الجيران *_*

    مع محبتي ... وروودة
    توقيع

  6. مشاركه 6
    رقم العضوية : 174
    تاريخ التسجيل : Jul 2008
    المشاركات: 9,322
    التقييم: 1050
    الدولة : جوار سيد الخلق صلى الله عليه وسلم
    العمل : مستشار

    افتراضي رد: كورس لغة حجازيه‎


    اسعدني مرورك العطر



    كلك ذووق
    توقيع
    حب ما تعمل كي تعمل ماتحب

  7. مشاركه 7
    رقم العضوية : 3916
    تاريخ التسجيل : Apr 2009
    المشاركات: 3,185
    التقييم: 1599
    الدولة : طيبة الطيبة
    العمل : جامعية ( الكلية الصحية )

    افتراضي رد: كورس لغة حجازيه‎


    أهل مكة حماااااااااام وأهل المدينة قماري وأهل جدة غزلان ..يلا ......يلا ..................
    ههههههههههههههههههههه ههههههههههههههههههههه هههههههه
    أجمل كورس مر علي يعطيك العافية ياتوب على الموضوع الرائع
    دمت بود
    توقيع
    التفاؤل نوع من السعادة ==>

    يمنحك هدوء الأعصاب وفي أحرج الأوقات

  8. مشاركه 8
    رقم العضوية : 174
    تاريخ التسجيل : Jul 2008
    المشاركات: 9,322
    التقييم: 1050
    الدولة : جوار سيد الخلق صلى الله عليه وسلم
    العمل : مستشار

    افتراضي رد: كورس لغة حجازيه‎


    اسعدني مرورك العطر



    كلك ذووق
    توقيع
    حب ما تعمل كي تعمل ماتحب

  9. مشاركه 9
    رقم العضوية : 9
    تاريخ التسجيل : May 2008
    المشاركات: 3,712
    التقييم: 629
    الدولة : عالمي الخاص
    العمل : أخصائية مختبر - ماستر جودة

    افتراضي رد: كورس لغة حجازيه‎


    مرررررررررره روعه الكورس..

    ضحكتني من قلبي..

    نحن تقريبا ما بنتعامل بيه من زمان..

    بس من جد روووووووعه..
    توقيع
    كلماتي في الحب.. شعر وفاء
    مدرستي في الحب.. شموخ و كبرياء
    هبتي للحب.. أمواج عطاء
    دمعاتي على الحب.. قطرات صفاء
    لحني في الحب.. معزوفة علياء
    بحري في الحب.. للعاشقين فضاء
    ===========

  10. مشاركه 10
    رقم العضوية : 174
    تاريخ التسجيل : Jul 2008
    المشاركات: 9,322
    التقييم: 1050
    الدولة : جوار سيد الخلق صلى الله عليه وسلم
    العمل : مستشار

    افتراضي رد: كورس لغة حجازيه‎


    لاعدمنا مرورك الجميل

    كلك ذووق
    توقيع
    حب ما تعمل كي تعمل ماتحب

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. أهم كورس في الإدارة * كورس شامل
    بواسطة الملكــ7ــة في المنتدى ۩ الإدارة والتدريب والتنمية البشرية ۩
    مشاركات: 5
    آخر مشاركة: 09-11-2012, 02:58 AM
  2. تعلم اللغة الانجليزية فيديو بأسلوب سهل للأطفال + كورس تعليمي
    بواسطة ملآك في المنتدى ۩ واحة الثقافـة ۩
    مشاركات: 8
    آخر مشاركة: 12-30-2010, 12:48 PM

الأعضاء الذين شاهدو الموضوع: 0

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

vBulletin Skins & Themes 

جميع الحقوق محفوظة لمنتديات الملكة للجودة

تصميم النور اونلاين لخدمات الويب المتكاملة