النتائج 1 إلى 5 من 5

الموضوع: مسرح المماليك

  1. مشاركه 1
    رقم العضوية : 4948
    تاريخ التسجيل : Oct 2010
    المشاركات: 99
    التقييم: 140
    الدولة : جدة
    العمل : مهندس
    الهوايه : فنون متنوعة

    افتراضي مسرح المماليك


    أشتهر ابن دانيال الموصلي
    في عصر المماليك
    بمسرحياته
    المأخوذة بتقنيات
    مسرح خيال الظل
    أو بالأشكال الأخرى والمطلق عليها
    البابات
    تطويرا في أشكال الرواية والحكاية
    إلى التقليد والتصوير والنقل

    ::منقول ::
    شمس الدين محمد بن دانيال بن يوسف بن معتوق الخزاعي الموصلي
    ،اتلقب بـ الشيخ و الحكيم
    ( أم الربيعين، الموصل، 1249 - القاهرة، 1311 ) ،
    حكيم رمدي ( كحال )
    و شاعر
    و فنان
    عاش فى مصر في العصر المملوكي ،
    و اتفوق في تأليف تمثليات
    خيال الظل
    وتصوير حياة الصنايعيه والعمال و الجاليات التي كانت عايشه في مصر في زمنه ،
    واللهجات الخاصة بيهم
    وكان بيقلدهم بطريقة تضحك .
    من أشهر تمثلياته اللى لسه مخطوطاتها موجوده
    " طيف الخيال "،
    و " عجيب غريب "
    و " المتيم وضائع اليتيم ".
    من اشهر عرايسه كانت
    عروسه اسمها
    " عقود النظام فيمن ولي مصر من الحكام ".

    بتعتبر أعمال ابن دانيال تصوير حي لعصره.
    وصفه المؤرخ المقريزي بأنه
    كان " كثير المجون والشعر البديع، كتابه طيف الخيال لم يصنف مثله في معناه" .

    نشئته و نزوحه لمصر
    اتولد ابن دانيال فى حى الأربعين فى الموصل فى فتره مضطربه و مليانه بالأحداث التاريخيه المهمه اللى كان من ضمنها غزو المغول بقيادة هولاكو لأرض الجزيرة ( العراق ) و بزوغ نجم دولة المماليك البحرية فى مصر. الموصل أياميها كانت مزدهره فى الأدب و الثقافه.

    درس ابن دانيال القرأن و دخل المدرسه و لما كان صبى دخل المغول أرض الجزيره و دمروا بغداد و قضوا على الخلافه العباسيه و إضطرت الناس و قتها تهرب على سوريا لغاية ما المغول دخلوا سوريا هى كمان ، فهربوا على مصر المعقل الآمن فى المنطقه. ابن دانيال كان من ضمن اللى نزحوا لمصر وقت هوجة المغول.

    وصل ابن دانيال القاهره سنة 1267 ، و كان عنده بتاع 19 سنه. مصر وقتيها كان بيحكمها السلطان الظاهر بيبرس رابع سلاطين الدوله المملوكيه أو خامسهم فى حالة إعتبار شجر الدر أولهم.

    مصر بعد سقوط الخلافه فى بغداد و دخول المغول سوريا و تهديداتهم المستمره ليها بقت أم المنطقه و حصنها المنيع و مركزها الحضارى الوحيد ومقر الخلافه العباسيه الجديده اللى عملها الظاهر بيبرس فى القاهره.

    عهد الظاهر بيبرس كان عهد حروب و معارك ضد الصليبيين و المغول، و كان راجل جد اتحمل مسئولية الدفاع عن مصر و المنطقه اللى كانت بتواجه مخاطر كبيره. فكان عهده عهد تقشف خالى من الترف و ما فيهوش أنس و فرفشه . لما وصل ابن دانيال مصر لقى الظاهر بيبرس لسه مطلع مرسوم يمنع الملاهى و الخمور و الحشيش و الدعاره.

    بيحكى ابن دانيال انه لما وصل : " من موصل الحدباء إلى الديار المصرية في الدولة الظاهرية، سقى الله عهدها، وأعذب في الجنان وردها وجدت تلك الرسوم دارسة، ومواطن انسها غير أنسة، عافية الأثار ، ساقطة الحد بالعثار، وقد هزم أمر السلطان جيش الشيطان .. وتولى الخوان والي القاهرة، اهراق الخمور واحراق الحشيش، وتبديد المزور، واستتاب العلوق، واللواطي، وحجر البغاة " .

    ابن دانيال اتأقلم بسرعه على مصر و ثقافتها، و بقى يتكلم بالمصرى زى المصريين و اتمصر خالص و بقى شاطر فى كتابة الشعر بألفاظ و روح مصريه زى : " يا سائلي عن حرفتي في الوري .. و ضيعتي فيهم وإفلاسي. ما حال من درهم إنفاقه .. بأخده من أعين الناس " و " بعت عبدي و حماري معا .. وأصبحت لا فوقي و لا تحتي " . و سبب شكوته المره دى انه حالته الماديه كانت صعبه و كان بيشتغل كحال يا دوبك أجره اللى بياخده " من أعين الناس " كان بيعيشه بالعافيه.

    خيال الظل

    نموذج حديث لخيال الظل كان اياميها رايج فى مصر و مصدر من مصادر المتعه و الترفيه ، و كان كل المصريين من كل الطبقات بما فيهم السلاطين بيحبوا يتفرجوا على عروضه .

    المصريين فى العصر المملوكى ، زى فى العصور التانيه ، كانوا مرحين و بيحبوا الضحك و الفرفشه، ميزه للمصريين وسط منطقه جافه و متجهمه. ابن بطوطة اللى زار مصر أيام السلطان الناصر محمد بن قلاوون لاحظ الموضوع ده و وصف المصريين فى كتاب رحلاته بانهم " ذوو طرب وسرور ولهو " .

    ابن دانيال رغم المحن و المآسى اللى عاشها كان شخص مرح و دمه خفيف و عجبه موضوع خيال الضل فدخل كاره و لقى نفسه فيه. كان هو اللى بيعمل كل حاجه، هو اللى كان بيألف التمثيليه و حوارها ، و هو اللى بيخرجها ، و هو اللى بيلحن أغانيها ، و هو اللى بيصمم هدوم عرايسها ، و فوق كده كان هو كمان اللى بيحركها و بيتكلم و يطلع الأصوات .

    خيال الضل كان فن و حرفه مش مجرد تهريج زى الأراجوز. و كانت له تمثليات بحوار بيتكتب قبل ما تتمثل، زى المسرحيات دلوقتى ، مش كلام إعتباطى بيتقال وقت العرض حسب الظروف. و كانت التمثليات اللى إسمها " البابات " بتعبر بطريقه مرحه عن مسائل إجتماعيه و سياسيه و أحداث شاغله بال المجتمع و الناس اياميها. فنان خيال الظل كان اسمه " مخيالى " و شغلانته كانت اسمها " مخايله ".

    فى الأول ابن دانيال كان بيجمع بين شغلته فى المخايله و شغلته فى الكحاله، و كان عنده دكان كحل بيعالج فيه عيون الناس جوه باب الفتوح ، و بالليل كان بيقعد فى بيته يألف المسرحيات و الأشعار. لكن الحال المتعب ده ما دامش كتير ، لإنه اشتهر بسرعه و بقى مخايلى معروف بيروحوله الأمرا و أكابر القاهره يطلبوا منه يروح لهم يقدم عروض خاصه ليهم و لضيوفهم فى قصورهم ، و كانوا بيحبوه و بيدوه فلوس و هدايا و بيعزموه فى حفلاتهم عشان يرفه عن معازيمهم بخفة دمه و عروضه و أشعاره. عروض خيال الضل كانت بتتعمل فى مسارح مخصصه و أماكن عامه، لكن المخايليه كانوا كمان بيروحوا يقدموا عروضهم فى الأفراح و الحفلات.

    ابن دانيال قعد ع الحال ده لغاية ما الدوله المصريه طلعت له مرتب ثابت من الديوان و بقى مبسوط مادياً و حالته بقت عال العال . بيحكى المؤرخ ابن أيبك الدواداري إن ابن دانيال كان " ممن يترددون إلى الملوك من السادة الفضلاء في ذلك العهد " وإنه كان من ضمن " جماعة من أهل الفضل والأدب، كانوا ينهبون العيش بالآداب ويستخرجون لباب اللباب من ذوي الألباب في كل فن وباب " .
    توقيع

  2. مشاركه 2
    رقم العضوية : 4948
    تاريخ التسجيل : Oct 2010
    المشاركات: 99
    التقييم: 140
    الدولة : جدة
    العمل : مهندس

    افتراضي رد: مسرح المماليك


    بابات ابن دانيال " البابات الدانياليه "
    مسرحيات خيال الضل كان اسمها " بابات " و مفردها " بابة "

    . معظم بابات ابن دانيال ضاعت و ما فضلش منها الا تلاته :
    " خيال الطيف " و مخطوطتها محفوظة فى دار الكتب و الوثائق القوميه فى القاهره
    ، و " عجيب وغريب "،
    و " المتيم والضائع اليتيم " .

    ابن دانيال كتب باباته على شكل حوار نثرى و شعرى بالمصرى الجميل ،
    و صور فيها حياة الشعب المصرى و الصنايعيه و ولاد البلد و الجاليات اللى كانت عايشه فى مصر اللى كان بيقدر يقلد طريقة كلامهم كويس و بطريقه فكاهيه .
    و خلق شخصيات كتيره زى عجيب الدين الواعظ ،و عسلية المعاجيني ، و عواد الشرماط ،و مبارك الفيال ، و أبو القطط ، و زغبر الكلبي ، و ناتو السوداني ، وأبو العجب صاحب الجدي. و أكتر من كده كانت عنده عروسه اسمها " عقود النظام فيمن ولي مصر من الحكام " ! .

    مخطوطات ابن دانيال القيمه و النادره دى حظيت باهتمام كبير من جهة الباحثين و المؤرخين اللى درسوها بالتفصيل و حرروها و نشروها. و فيه مراجع بتقول إن البابات دى اتلاقت بالصدفه فى مخطوطه قديمه كان محتفظ بيها فى مكتبة " أحمد تيمور باشا " و بعدين اتنقلت ل دار الكتب المصريه، و اتعثر كمان على نسختين تانيين من المخطوطه دى ، واحده فى مكتبة الاسكوريال فى إسبانيا، والتانيه فى مكتبة استانبول فى تركيا. و بيعتقد الباحثين ان المخطوطات اللى اتلاقت دى اتدونت بعد وفاة الشيخ ابن دانيال .

    بابة طيف الخيال
    طيف الخيال بتعتبر أروع البابات الدانياليه التلاته. و فيه باحثين و أدباء و نقاد بيعتبروها أبدع مسرحيه اتكتبت في تاريخ خيال الضل المصري. المؤرخ المقريزي و صف العمل ده بإنه " لم يصنف مثله في معناه " .
    البابه دى رسمت صوره لواقع الحياه في مصر في القرن السابع هجرى / التلاتاشر ميلادى، بعاداته وتقاليده ولغته وألفاظه. و البابه بتعرض باسلوب كوميدى - بيتسمى الفارس يعنى المهزله - نقد سياسى لاذع لحدث مشهور حصل أياميها، وهو إن السلطان الظاهر بيبرس جاب واحد اسمه " أبو العباس أحمد إبن الخليفة الظاهر " على القاهره عشان يعمله خليفه عباسى. بطل البابه اللى اسمه " وصال " هو الصورة الكوميديه لأبو العباس أحمد ده .
    السلطان قطز بعد إنتصاره في معركة عين جالوت كان استدعى " أبو العباس أحمد " على دمشق وبايعه بالخلافه. لكن قطز أغتيل وهو راجع مصر ، فالسلطان الجديد الظاهر بيبرس استدعى أبو العباس للقاهره، فلما إتأخر فى السكه راح مستدعى عباسى تانى اسمه " أبو القاسم أحمد " ، فوصلها قبل مايوصول أبو العباس أحمد. فلما وصل أبو العباس أحمد القاهره و عرف بللى حصل فضل إنه يرجع الشام و راح على حلب ، و هناك بايعه بالخلافه أميرها شمس الدين أقوش البرلي المنشق على السلطان بيبرس. وفي مصر بايع بيبرس أبو القاسم اللى اتلقب بالخليفه المستنصر. بعد كده بيبرس إداله فلوس و سلاح وجيش صغير تعبان و بعته العراق عشان يحارب المغول ، الظاهر عشان يخلص منه . ولما وصل حته اسمها الرحبة قابل أبو العباس أحمد ومعاه فرسان تركمان، فاتحدوا و طلعوا مع بعض على العراق، و لما وصلوا مدينة هيت طلع عليهم المغول و قتلوا فيهم و غلبوهم، و اختفى أبو العباس أحمد و ما بانلهوش من يوميها اثر ، و رجع أبو القاسم أحمد ( المستنصر ) القاهرة وعمله الظاهر بيبرس خليفه عباسى. - (الشيال، 2/132-133)


    بابة عجيب وغريب
    عجيب وغريب مش تمثيليه كامله متواصله لكن اسكتشات كوميديه مش مرتبطه ببعضها. أبطال البابه دى مجموعة شخصيات شعبيه من الصنايعيه و الحرفيين و البياعين اللى بيلفوا فى الأسواق والموالد و فى الشوارع وقت الأعياد. بابة عجيب وغريب بتعرض 27 شخصيه أساميها طريفه، زى غريب الصافي ، وعجيب الدين الواعظ ، وحويس الحاوي ، و هلال المنجم ، و ميمون القراد ، و شدقم البلاغ صاحب الرمح والسيف وغيرهم . والبابة بتعتبر وثيقه تاريخيه و تسجيل شعبى وشاهد حى على العصر اللى عاش فيه ابن دانيال. وبتظهر البابه دى قدرة و براعة ابن دانيال على صياغة الألفاظ الشعبيه المصريه اللى كانت متداوله أياميها ، و لسه متداوله فى مصر لغاية دلوقتى ، و على تصوير الفساد الإجتماعي ، وده ضاف للبابه دى قيمه اجتماعيه.

    بابة المتيم والضائع اليتيم
    من حيث الكوميديا بابة اليتيم والضائع اليتيم زى البابتين التانيين ، لكن من ناحية الإسلوب و المضمون بتختلف عنهم ، وبدرجة خلت باحثين يشكوا في كونها من تأليف ابن دانيال، أو إنها من تأليفه لكن بطريقه ما إتعرضت للمسخ والتحريف. بالمقارنه، اسلوب البابه دى إسلوب هابط و مليان مجون و خلاعة. لكن الباحثين اللى بيعتقدوا إنها من تأليف ابن دانيال بيبرروا إسلوب البابة بإنه بيتماشى مع الروح التي كانت سايدة أياميها من حيث الميل للمتع الحسيه والمجون. وبتضم البابه شخصيات إنسانيه و شخصيات حيوانيه وجماديه. من ضمن الشخصيات الإنسانيه الرئيسيه فى البابه : المتيم، و الذميم ، و بابا البيرم ، والحكم زيهون. و بتظهر في الرواية ديوك وكباش وتيران و ملحقات ترابيزات الأكل كمان .


    ابن دانيال بسمه فى عصر مضطرب
    التلت بابات اللى فضلوا و نجيوا من الضياع، بعد كل المجون و الكوميديا اللى فيهم بتنتهي كلها باستثارة الضمير الدينى والأخلاقى و بتتختم بطلب التوبة والانابه .

    ابن دانيال بسبب شغلته كحال في القاهره القديمه كان متصل بطريقه مستمره بعامة الشعب ، و لإن خلفيته كنازح هربان من الموصول إتحامى بمصر كان بيحس بمعاناة الناس . فطلعت أعماله معبرة عن مشكلات الطبقه الكادحة في المجتمع ، وآلام البشر فى المنطقه في مرحله مضطربه من تاريخها، و عمل كده بالفكاهه و الكوميديا و بنشر الفرحه والبسمه بين الناس.

    نزح ابن دانيال على مصر سنة 1267 ، و اتوفى فيها سنة 1311 ، وبكده يبقى عاش فى مصر بتاع أربعه و أربعين سنة إتمصر فيها بالكامل روح و ثقافه و لغه ، وشاف عهود أكبر سلاطين مصر من المماليك البحرية : الظاهر بيبرس ، و المنصور قلاوون ، و الأشرف خليل ، و الناصر محمد بن قلاوون.

    المصدر ويكبيديا الموسوعة الحرة
    توقيع

  3. مشاركه 3
    رقم العضوية : 1
    تاريخ التسجيل : May 2008
    المشاركات: 16,194
    التقييم: 18026
    الدولة : ღ مملكـة الرضا ღ
    العمل : استشاري تربوي.خبير ومستشار الجودة، أخصائيOSHA،مدير موارد بشرية ومديرHACCP
    مزاج الملكــ7ــة: سعيد

    افتراضي




    اللهم صلِ على سيدنا محمد
    تح ـية ملؤها الود والإحترام لكـے
    يـــــــا
    وائل زمزمي
    أسعدنيے جميـل تواجدكے في
    ملتقانا المباركـے، أشكركـے من الأعماق على هذا الجمالـ ..
    ورود الكون لقلبكـے الطيب ..
    دمت ودامـ تواصلكـے الرائعے،،


    توقيع

    الجَودة ..هي ..العَودة
    لم نأتِ بجديد .. لكننـــــا نوضح الطريق...

    Saudi Arabia – Makkah
    mob: 0505574505
    E-mail : almalekah@al-malekh.com


    ليس المهم أن تكون ملكــــــاً .. ولكن المهم أن تتصـرف و كأنك ملكـ


  4. مشاركه 4
    رقم العضوية : 174
    تاريخ التسجيل : Jul 2008
    المشاركات: 9,322
    التقييم: 1050
    الدولة : جوار سيد الخلق صلى الله عليه وسلم
    العمل : مستشار

    افتراضي رد: مسرح المماليك


    وائل زمزمي


    مفيد ماقدمت هنا
    أشكرك
    توقيع
    حب ما تعمل كي تعمل ماتحب

  5. مشاركه 5
    رقم العضوية : 1
    تاريخ التسجيل : May 2008
    المشاركات: 16,194
    التقييم: 18026
    الدولة : ღ مملكـة الرضا ღ
    العمل : استشاري تربوي.خبير ومستشار الجودة، أخصائيOSHA،مدير موارد بشرية ومديرHACCP
    مزاج الملكــ7ــة: سعيد

    افتراضي رد: مسرح المماليك


    معلومات قيّمة وجديدة بالنسبة لي ..

    مشكوووووووور أستاذنا وائل ،،

    توقيع

    الجَودة ..هي ..العَودة
    لم نأتِ بجديد .. لكننـــــا نوضح الطريق...

    Saudi Arabia – Makkah
    mob: 0505574505
    E-mail : almalekah@al-malekh.com


    ليس المهم أن تكون ملكــــــاً .. ولكن المهم أن تتصـرف و كأنك ملكـ


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. طروادة والإغريق مسرح ملحمي حزين
    بواسطة وائل زمزمي في المنتدى ۩ واحة الثقافـة ۩
    مشاركات: 4
    آخر مشاركة: 11-05-2010, 03:23 PM
  2. مسرح اليونان
    بواسطة وائل زمزمي في المنتدى ۩ واحة الثقافـة ۩
    مشاركات: 6
    آخر مشاركة: 11-01-2010, 04:36 PM
  3. مسرح العباسيين
    بواسطة وائل زمزمي في المنتدى ۩ واحة الثقافـة ۩
    مشاركات: 4
    آخر مشاركة: 11-01-2010, 03:19 AM
  4. مسرح الروم
    بواسطة وائل زمزمي في المنتدى ۩ واحة الثقافـة ۩
    مشاركات: 4
    آخر مشاركة: 11-01-2010, 02:52 AM
  5. مسرح الصور الناطقة !!!
    بواسطة عاشق الملتقى في المنتدى ۩ فيض أقلامهم ۩
    مشاركات: 24
    آخر مشاركة: 07-20-2008, 01:25 AM

الأعضاء الذين شاهدو الموضوع: 0

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

vBulletin Skins & Themes 

جميع الحقوق محفوظة لمنتديات الملكة للجودة

تصميم النور اونلاين لخدمات الويب المتكاملة