النتائج 1 إلى 5 من 5
  1. مشاركه 1
    رقم العضوية : 4682
    تاريخ التسجيل : May 2010
    المشاركات: 380
    التقييم: 470
    الدولة : قلب الأرض
    العمل : تربوي
    الهوايه : صعود القمّة والمحافظة عليها .

    افتراضي ياحمام(ن) جــــــــــــــــرّ الألحــــــــــــــــ ـــــــــــان !




    البداية : " يعني مبتدأ كل شيء .. وليس الشبّاك " ! :

    * هذه ( الخربشة ) هي امتدادٌ لــ : " قصص قروية .. بنكهة قحفية ! " .. وفي بعض المنتديات : " ... بنكهة قروية " !

    ( وللمنتديات الّتي لم يظهر فيها هذا العنوان أقول : " شوي .. شوي .. لاتستعجلون على كدركم ! " ) .

    * لستُ مسؤولا عن الترجمة " اللي تحتاج لترجمة " .. لكن من أراد ذلك فعليه بسؤال أهل هذا الفن .. عن الكلمات الّتي ترد بين القوسين الكبيرين ( ) أو الصغيرين " " ، وقد لاترد أحيانا كثيرة !

    وسأشير إلى ذلك في السطر الأخير من هذه الحلقة / السلسلة / الحبل .. لايهم ! .. إلى مكان وجودهم !

    وفي بعض المفردات .. لمن يتعذّر عليهم البحث عن " أهل هذا الفن " .. فما على القاريء إلا حذف " حرف النون " الزائد الّذي يُلحق ببعض الكلمات في اللهجلة القبلية القديمة الدارجة الّتي كُتب بها هذا الموضوع .. أو حذف ( حرف الهاء ) الزائد أيضا .. وسيتّضح المعنى !

    * لمن يشعر أو يحس أن هذا الموضوع طوووويل .. وكان ( عنده سُفان ) فبإمكانه أن يرويه لهم قبل النوووم .. وأنا على ثقة بأنّه سينام قبلهم !


    طلعة :


    جلس " صاحبنا " ( معتنزن ) في مكتبه ( اللي ) في البيت .. وليس في مكتبه ( اللي ) في العمل !

    جلس ( يديس ) و ( يذرّي ) .. ويضرب أخماساً بأسداس وأسباع وأثمان أيضا !

    قال في نفسه .. وهو ( قاعد(ن) يتفرّج في : تلف العيون ، وما لقي قناة ( زيّ النّاس ) :

    - " ذحين أنا انكسر ظهريه وأنا قاعد(ن) فوق ذا [ اللاب توب ] الشيطان .. والله لااستفدنا ولا أفدنا " !

    أمّا سبب إنكسار ظهره - على حدّ قوله - فقد أبانه لنا قائلا :

    - " ياخونا الصّالح كان عندي مكتب .. وش طوله .. وش عرضه .. وش حلاوته ، شريته بثمانميّة ريال ، يشهد الله ، أول مانقلت النشاط ، أنا وزميلي علي ،

    كل واحد شرى له مكتب وكرسي دوّار ! ، لكن نسينا أنّه دوّار ..

    وقعدنا سنتين ، إلا وجانا ذاك الوزير اللي ثلثه عسكري ، وثلثه أمين ربطة مدري رابطة ، وثلثه مطوّع ، وسلّم الجمل بما حمل للّي ملص من الوزارة وخلاّها كما الصندقة المخرّقة ! ، وذي(ـه) بدوره ، بالله وش رايك في : "بدوره " ؟! ..

    - ماشي ..

    - المهم : ( مالك بالطويله ، هو سلّم حمل الجمل للّي ترك أوزاره للوزارة ! .. فصار اسما على مسمّى ، وداس وذرّى ،

    ومابين ضحى وعشيّة قال لنص المكلّفين : ارجعوا من غير مطرودين لأعمالكم الأساسية ، وألقى فيهم خطبة تعميمية غير عصماء ! ، منها :

    أنها مهنة الأنبياء والرسل ، ويوم رجعنا ياخونا الصالح ، خذت مكتبيه معي للبيت ، وقلت : والله مااخلّيه للحكومة ! ، وليتنا قنعنا أول بالمكاتب حقّت الحكومة اللي تشبه ماصات الطلاب بس إنّها كبيرة !

    ويوم حطّيت المكتب الخشب في المكتب الغرفة ، اللي وهو كما السفينة وسط الكظامة ، عمرك شفت سفينة في كظامة ؟!! ،

    المهم قعد لين قعد ماجلست اكتب عليه إلا فين عزّك ؟!! ، وآخر شي جت ( أم السفان ) و ( هلهلته ) ، بس ( فكّكت ) المسامير وما كسّرته ، وتصدّقت به على قولها في شارع المنصور !! ،

    هيّه بالله شوف آخرتها : مكتبي صار في شارع المنصور في أحد العششة !! ،

    بس ماأفتري عليها والله : فهي استشارتني قبل ( ماتهلهله ) ، قلت : بكيفك .. أصلا ماأبغاه !! ،

    وقعدت ، ياخونا الصالح ، من يوم خرج مكتبي ، قعدة العرب على الأرض و [ اللاب توب ) قدامي وأنا فوقه ( كما اللي يبغي ) يشرب من ( المذود ) ! ،

    وإذا قهرت : اعنزت ظهري(ـه ) على الجدار ، وأخذته في حضني(ـه) !!

    - طيّب .. وبعدين ؟!!

    - أبد .. لما قعدت أضرب أثمانا باعشار ! ،

    قلت : بالله وش استفدنا من هذي المنتديات ، اللي ماتودّي ولا تجيب ؟!

    بس هرطقة في برطقة .. نكتب ونشخمط .. واللي يسيّرون العالم ، وتحكمون في الثروات ، وينصبون على خلق الله .. غيرنا !!

    وش لك يابو الشباب وهذي ( الخرابيط ) ؟!

    بالله : كم منتدى تمتلي بها ( عششة البشبشانة ؟! ) .. قصدي الشبكة العنكبوتية ؟! ، وش سوّت ؟! ، وش جابت ؟!

    هذا من ناحية .. ومن ناحية أخرى : ثلاث أرباع القرّاء ، وبالذات ( الغلايم ) .. ماهلاّ يسرحن(ـه) ويمرحن(ـه) في أقسام الفرفشة والوناسة والألعاب !

    وتحصّل نصّهن(ـه) مايسوين(ـه) كذا إلا من الطفش .. والا فوات قطار وباص وتاكسي الزواج !!

    " عليّ(ـه) عنهن(ـه) ! "

    قلت في نفسي : يمكن .. يمكن بعضهن(ـه) تجي عندنا .. ونفكّ عنها شويّه !

    بدل الضغط ووجع الراس اللي كنت أكتبه بقلمي ومرسمي .. وأنا كنت أحسّب إنّي جبت راس كليب والاّ الزير !!

    - وبعدين ؟!

    - وش بك ( كل شويّه ) تقول وبعدين وبعدين ؟! ، كنّك محقّق في دائرة الهجرة والترحيل !!

    أبد .. لمّا جتْ ( الصبيّة ) بالقهوة .. قالت : ( وش معك ياذيه اليوم متكدرّ(ن) خاطرك .. كنّك فقدت أحد الثيران ) ؟!!

    قلت لها : ولا شي .. اليوم قررت قرار مصيري !

    قالت : خير .. لايكون إنّك بتحرّر القدس ؟!

    قلت : لا ... مو هلحين .. خلّي هذي بعدين لمّا أفضى !

    قالت : ها عاد .. ( وش معك ) ؟!

    قلت : القرار المصيري : أن أدربي راسي .. واضحك من كل قلبي .. واترك همومي ورا ظهري !

    قالت : الله يمتّعنا بعقولنا .. ماورا ظهرك إلا الجدار .. ! ، و( لا رميتاها ورا ظهرك بتعوّد تبنّط فيك كما الكورة ) !

    قلت لها : صبّي .. صبي لي من هذي القهوة .. وخلّيك من السوالف اللي مايفهمها الحريم !


    - ياهذا اليوم .. طيّب ياأخي .. ابغى النهاية !

    - لانهاية ولا يحزنون ولا يفرحون ولا يبكون .. كل مافي الأمر .. إنّي خذيت القلم وابتديت اشمخط على الورقة .. لين طلع هذا اللي تقراه ذحين !

    - يعني ناوي تستمر على هذا المنوال ؟!

    - أي منوال .. وأي مثال ؟! ، ياأخي أنا أكتب مايريده الآخرون ، أو بعض الآخرون .....

    - اسمح لي أن أقاطعك ..

    - تفضل .. ولا يهمك .. متعوّد .. !

    - الكلمة الثانية : الآخرين .. وليس الآخرون .. لأنّها مجرورة ....

    - ارحمني ياشيبويه .. !

    - قصدك : سيبويه ..

    - وانا وش قلت ؟!

    - شيبويه بالشين .. وليس بالسين .. !

    - طيّب هذا قصدي ...

    - كيف ؟!

    - إنّك شيبة !

    - شيبة .. شيبة .. لايهم ، يا( قحم ) ؟

    -أنا ( قحم ) ؟

    - ( قحم ) .. وستين ( قحم ) !

    - 59 ؟؟

    - وش هي ذي الـ : 59 ؟

    - عمري ..

    - وأنا سألتك عن عمرك يابني آدم ؟!

    - إيوه .. قلت : 60 .. وهو في الحقيقة : 59 !!

    - عندك طفاية ؟

    - طفّاية أيش ؟!!

    - طفاية حريق .. سجائر .. أي شيء ؟

    - ليش كفى الله الشر .. وين الحريق ؟ .. بعدين إنته ماتدخّن ، ماشاء الله عليك ، بس تشّيش !

    - أبغى أحذفك بها !

    - ليش .. وش سويت لك ؟!

    - ياعالم .. ياهوووووه .. خلاص ، والله ارتفع عندي الضغط والسكّر والملح البهارات ... وكل شيء !

    - طيّب خلاص .. خلاص .. ولا يهمّك .. آسف جدا ...

    - خلينا الآن نروح نضرب المضغوط ... ونروّح بيوتنا .. بعدين نكمّل سوالفك ..

    - نضربه ؟! .. ليش وش سوّى ؟؟ ، ياحبّك للضرب ....

    - ياأخي : خلااااص ..

    - طيّب .. طيّب .. عشان يمديني أنشر اللي قلناه اليوم ...

    - لا والله ؟! .. ناوي تنشرها وترفع ضغط القرّاء ، زي مارفعت ضغطي ؟

    - ياأخي : اللي بيرتفع عنده الضغط لايقراها .. ماهو ملزوم بقراءتها .. ولا مطالعة عنوانها حتّى ..

    واللي قراها وبغى يرد عليها ويعلّمني أنّها رفعت الضغط عنده ، أقول له من هالحين : لاتعلمني ولا شيء ، ماعندي علاج لك ، ولا يهمني رأيك ... من قريب أو بعيد .. وإذا ماعجبك بعد .. أشطبها امسحها احذفها .. لايهم .. كل اللي عندي قلته .. وخرّجته من نفسي وكان !

    - طيّب .. وش رأيك انشرها أنا .. بصفتي شخص يعرفوني بإسمي في المنتديات .. وتبقى أنت خارج إطار وبرواز الصورة ؟!

    - والله بكيفك .. بس مالي شغل إذا جاك كلمة من هنا وإلا هناك .. وأنت شخص عصبي و( حموقي ) وتزعل بسرعة !

    - وش دخّلني في قصصك و( رواياك ) ؟! ، ماأنا إلا ناقل لها ، وناقل الكفر ليس بكافر !

    - هذي آخرتها ؟، كلامي تشبّه كلامي بالكُفر ؟!

    - ياأخي أنا أقول مثل .. مثل بس .. يابني آدم !!

    - طيب .. طيّب الله يسامحك .. سوّ اللي تبغى !

    - مشينا ع المضغوط ؟!

    - مشينا .. بس لاتضربه !

    - ..................... ... !!!!!



    * الأماكن التي يوجد بها ( خبراء هذا الفن ) كما ورد أعلاه : من عند لما تدخل من عند ( الكهيل ) اللي يبعن ( الغراز ) وسط السوق .. إلين تتجه جنوب شرق عند اللي يبيعون الحمام والأرانب ، وبالذات يوم الخميس ، وهو موعد : سوق الخميس !
    توقيع
    ما أضيق العيش لولا فسحة الأملِ

  2. مشاركه 2
    رقم العضوية : 1
    تاريخ التسجيل : May 2008
    المشاركات: 16,166
    التقييم: 17776
    الدولة : ღ مملكـة الرضا ღ
    العمل : استشاري تربوي.خبير ومستشار الجودة، أخصائيOSHA،مدير موارد بشرية ومديرHACCP

    افتراضي




    اللهم صلِ على سيدنا محمد
    تح ـية ملؤها الود والإحترام لكـے
    يـــــــا
    أبو أسامه
    أسعدنيے جميـل تواجدكے في
    ملتقانا المباركـے، أشكركـے من الأعماق على هذا الجمالـ ..
    ورود الكون لقلبكـے الطيب ..
    دمت ودامـ تواصلكـے الرائعے،،


    توقيع

    الجَودة ..هي ..العَودة
    لم نأتِ بجديد .. لكننـــــا نوضح الطريق...

    Saudi Arabia – Makkah
    mob: 0505574505
    E-mail : almalekah@al-malekh.com


    ليس المهم أن تكون ملكــــــاً .. ولكن المهم أن تتصـرف و كأنك ملكـ


  3. مشاركه 3
    رقم العضوية : 174
    تاريخ التسجيل : Jul 2008
    المشاركات: 9,324
    التقييم: 1050
    الدولة : جوار سيد الخلق صلى الله عليه وسلم
    العمل : مستشار

    افتراضي رد: ياحمام(ن) جــــــــــــــــرّ الألحــــــــــــــــ ـــــــــــان !


    أ. ابو اسامه
    لاعدمت رائع ما قدمت
    أشكرك
    توقيع
    حب ما تعمل كي تعمل ماتحب

  4. مشاركه 4
    رقم العضوية : 4682
    تاريخ التسجيل : May 2010
    المشاركات: 380
    التقييم: 470
    الدولة : قلب الأرض
    العمل : تربوي

    افتراضي رد: ياحمام(ن) جــــــــــــــــرّ الألحــــــــــــــــ ـــــــــــان !


    اقتباس المشاركة الأصلية كتبت بواسطة المهندس مشاهدة المشاركة
    أ. ابو اسامه
    لاعدمت رائع ما قدمت
    أشكرك

    العفو أخي : المهندس ..

    وشكرا لحضورك وثنائك .
    توقيع
    ما أضيق العيش لولا فسحة الأملِ

  5. مشاركه 5
    رقم العضوية : 4682
    تاريخ التسجيل : May 2010
    المشاركات: 380
    التقييم: 470
    الدولة : قلب الأرض
    العمل : تربوي

    افتراضي رد: ياحمام(ن) جــــــــــــــــرّ الألحــــــــــــــــ ـــــــــــان !


    ياجماعة الخير :

    ( الرويّة ) << الرواية .. ( اللي قريتوها ) هنا ..

    كانت ( انتسامة ) << استراحة ( مداوس ) << محارب !!

    قلت أشمخط فيها شوي عشان ( أنتسم ) << أستريح شويّة من وجع الراس !!

    لكن الظاهر مافيه فايدة حتى لو استخدمت ( نوفالجين ) << تترك بدون ترجمة !!

    شكرا لكل من حضر وشارك وبارك .. وحتّى للّي قرا سورة تبارك !!
    توقيع
    ما أضيق العيش لولا فسحة الأملِ

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الأعضاء الذين شاهدو الموضوع: 0

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

vBulletin Skins & Themes 

جميع الحقوق محفوظة لمنتديات الملكة للجودة

تصميم النور اونلاين لخدمات الويب المتكاملة